|
Այս բաժնում
ներկայացնում ենք օգտագործողների կողմից մեր սպասարկող անձնակազմին
հաճախակի տրվող հարցերը՝ պատասխաններով: Ձեզ հետաքրքրող հարցի
պատասխանն այստեղ չգտնելու դեպքում կապվեք մեզ հետ:
Հարց 1.
Ո՞րն է լիցենզիոն հակավիրուսային ծրագրերի առավելությունը՝ ոչ
լիցենզիոն ծրագրերի նկատմամբ:
Պատասխան.
Ցանկացած հակավիրուսային ծրագիր ունի սեփական պաշտպանության
եղանակները, որը ծրագրին պաշտպանում է ինչպես ոչ լիցենզիոն
օգտագործումից, այլև տարբեր ծրագրերի կողմից, այդ թվում և
համակարգչային վիրուսներից: Այդ պատճառով, ոչ լիցենզիոն հակավիրուսները
հաճախ իրենք են դառնում վիրուսների զոհ՝ դադարեցնելով հակավիրուսային
պաշտպանությունը:
Բացի այս, որոշ հակավիրուսային արտադրողներ պարզապես թույլ չեն տալիս
ոչ լիցենզիոն հակավիրուսային ծրագրերին կատարել հակավիրուսային բազայի
թարմացում և անջատում են հակավիրուսային պաշտպանությունը՝ երբեմն
նույնիսկ առանց զգուշացման և համակարգիչը առանց Ձեր իմացության
ամիսներով մնում է անպաշտպան:
Նշենք նաև, որ պարբերաբար նորացվում են ոչ միայն հակավիրուսային
բազաները, այլև հենց ծրագրերն իրենք: Այդ դեպքում, նորացված ծրագիրը,
բնականաբար, դադարում է աշխատանքը՝ լիցենզիայի բացակայության պատճառով
և համակարգիչն անորոշ ժամանակով մնում է առանց պաշտպանության:
Վերջում հիշեցնենք, որ հակավիրուսային լիցենզիան հնարավորություն է
տալիս ստանալ նաև շուրջօրյա տեխնիկական օգնություն՝ հեռախոսով և
էլեկտրոնային փոստի օգնությամբ:
Հարց 2.
Եթե ես գնել եմ 1 լիցենզիա իմ տան համակարգչի համար, կարո՞ղ եմ
տեսադրել այն նաև իմ նոութբուկի վրա:
Պատասխան
Լիցենզիան թույլ է տալիս պաշտպանել ուղիղ այնքան համակարգիչ, որքան
նշված է լիցենզիոն համաձայնագրում: Հակառակը կդիտվի լիցենզիոն
պայմանագրի խախտում: Երկրորդ լիցենզիան կարող եք գնել զեղչով, իսկ
երկուսից ավելի համակարգիչների համար գոյություն ունի «Ընտանեկան»
լիցենզավորումը, որը թույլ կտա պաշտպանել բնակարանում եղած բոլոր
համակարգիչները և նույնիսկ սերվերները՝ դրանց առկայության դեպքում:
Նշենք սակայն, որ նման լիցենզիաները միայն անհատների համար են,
կազմակերպությունների համար գործում են այլ զեղչեր:
Հարց 3.
Ինչ կպատահի, եթե ես տրամադրեմ իմ լիցենզիայի պատճեն նաև իմ
ընկերոջը կամ տեղադրեմ այլ համակարգիչների վրա:
Պատասխան
Նախ և առաջ, Դուք կխախտեք լիցենզիայի պայմանները: Դա նշանակում է,
որ այդ փաստը հայտնաբերվելուն պես, Դուք անհապաղ կզրկվեք
հակավիրուսային ծրագրի օգտագործման լիցենզիայից և կենթարկվեք լիցենզիոն
համաձայնագրով նախատեսված այլ պատասխանատվության՝ եթե այդպիսի բան
նախատեսված է Ձեր համաձայնագրով:
Հարց 4.
Ինչպե՞ս կարող է հայտնաբերվել իմ կողմից լիցենզիոն պայմանների խախտման
փաստը:
Պատասխան
Տարբեր հակավիրուսային ծրագրեր լիցենզիայի խախտումը ֆիքսում են տարբեր
եղանակներով՝ ակտիվացիայի միջոցով, վերահսկելով նույն լիցենզիայով
կատարված թարմացումների քանակը և համակարգչի տվյալները, վերահսկելով
ինտերնետում հայտնվող լիցենզիաները և այլն:
Մենք, հասկանալի պատճառներով, չենք բացահայտի
բոլոր եղանակները:
Հարց 5.
Ինչու մեկ հակավիրուսային ծրագրից հետո տեղադրելով մեկ այլ ծրագիր՝
համակարգչի մեջ հայտնաբերվում են վիրուսներ: Դա նշանակում է որ նախորդ
հակավիրուսային ծրագիրը ավելի՞ վատն էր:
Պատասխան
Համարյա միշտ նման կարծիքը սխալ է, եթե իհարկե չեք օգտագործում ինչ որ
նորահայտ հակավիրուսային ծրագիր, որը կարող է իրոք բաց թողնել
վիրուսներ: Հիմնականում նման խնդիրներ առաջանում են հակավիրուսային հին
բազայի պատճառով երբ հին ծրագիրը պարզապես հայտնաբերած չի լինում որոշ
վիրուսներ և որ ամենատարածվածն է՝ հակավիրուսային ծրագրի սխալ
կոնֆիգուրացիայի պատճառով՝ վիրուսների կամ սխալ տեղադրման պատճառով
հակավիրուսը չի ստուգել ասենք .bat կամ .js տիպի ֆայլերը:
Այս ամենից բացի, որոշ, նույնիսկ ամենահանրահայտ հակավիրուսային
փաթեթներ շատ վատ են հայտնաբերում և բուժում որոշ տիպի, բարդ,
ձևափոխված վիրուսներ, օրինակ պոլիմորֆիկ տիպի, քանի որ ունեն շատ վատ
վերլուծական մեխանիզմ և փնտրումն իրականացնում են միայն վիրուսային
ձևանմուշների հիման վրա: Dr.Web
հակավիրուսային ծրագիրը, սակայն, համարվում է
աշխարհում ամենահզոր և կատարյալ էվրիստիկ մոդուլ ունեցոց
հակավիրուսային ծրագրերից մեկը:
Հարց 6.
Ինչ է OEM լիցենզիան և ինչ առավելություններ կամ թերություններ ունի
այն:
Պատասխան
OEM լիցենզիաներ անվճար տրամադրվում են նոր համակարգիչների հետ՝ 6 ամիս
ժամկետով: Այդ ժամկետից հետո Դուք կարող եք ձեռք բերել լրիվ լիցենզիա՝
30 տոկոս զեղչով: Նշենք, որ այս լիցենզիաները տրամադրվում են բացարձակ
անվճար՝ միայն մեր գործընկեր
համակարգչային տեխնիկա վաճառող կազմակերպությունների կողմից, սակայն՝
միայն նոր համակարգիչներ ձեռք բերելուց:
Նշենք, որ OEM լիցենզիայի
դեպքում Դուք չեք կարող ստանալ անվճար տեխնիկական օգնություն:
Հարց 7.
Ինչ կապ ունի Direct Control ընկերությունը՝ Ռուսական
Dr.Web ընկերության
հետ:
Պատասխան
Direct Control ընկերությունը 1998 թվականից
զբաղվում է հաշվապահական և ֆինանսական ծրագրային
փաթեթների մշակմամբ: 2006 թվականից այս
ընկերությունը հանդիսանում է Dr.Web
ընկերության էքսկլուզիվ դիստրիբյուտորը Հայաստանի Հանրապետությունում՝
ներկայացնելով Dr.Web
հակավիրուսային ծրագրերի ողջ տեսականին:
Հարց 8.
Կա՞ն արդյոք զեղչեր և ինչպես են դրանք տրամադրվում:
Պատասխան
Մենք և մեր գործընկեր կազմակերպությունները
պարբերաբար իրագործում ենք զեղչային ծրագրեր և այդ մասին միշտ կարող եք
տեղեկանալ մեր վեբ հանգույցից: Ուսումնական, առողջապահական,
բարեգործական և հասարակական կազմակերպությունների համար, սակայն,
ունենք մշտական զեղչեր, որոնց մասին լրացուցիչ տեղեկատվության համար
կապվեք մեզ հետ կամ այցելեք մեր էջի
համապատասխան բաժին:
Հարց 9.
Որն է Dr.Web
հակավիրուսի առավելությունը այլ հակավիրուսային
ծրագրերի նկատմամբ և ինչպես համոզվել նրա հուսալիության մեջ:
Պատասխան
Dr.Web հակավիրուսային
ծրագրի առավելություններին կարող եք ծանոթանալ մեր էջի
համապատասխան բաժնում:
Ինչ վերաբերում է մեր հակավիրուսային ծրագրի
հուսալիությանը, ապա եթե մեր կարևորագույն օգտագործողների
այս համառոտ
ցուցակը բավարար չէ, նշենք, որ մեր հակավիրուսային ծրագիրը, ի
տարբերություն այլ հակավիրուսների, մասնակցում է միջազգային բոլոր
անկախ տեստերին և պարբերաբար ստանում ամենաբարձր գնահատականներ՝
իսկական պրոֆեսիոնալների կողմից:
Հարց 10.
Իմ համակարգիչը միացված չէ ինտերնետին: Իմաստ ունի՞ արդյոք ունենալ
հակավիրուսային ծրագիր և ինչպես այդ դեպքում կկատարվի հակավիրուսային
բազայի թարմացում:
Պատասխան
Իհարկե, ինտերնետին միացված համակարգիչները առավել խոցելի են
վիրուսների համար, սակայն, նշենք, որ համակարգչային վիրուսները
տարածվում էին դեռևս այն ժամանակ, երբ ինտերնետ չկար՝ մագնիսական
սկավառակների միջոցով: Այսօր, եթե Ձեր համակարգչի մեջ օգտագործում եք
ինֆորմացիայի ցանկացած կրիչ՝ մագնիսական սկավառակ, CD, կամ USB Flash,
կամ Bluetooth հաղորդիչ՝ թեկուզ բջջային հեռախոսի հետ կապվելու համար,
ապա միշտ շատ մեծ է համակարգչային վիրուսով համակարգիչը վարակելու
հավանականությունը: Ժամանակակից որոշ վիրուսներ տարածվում են նույնիսկ
թվային ֆոտոխցիկների միջոցով:
Ինչ վերաբերում է հակավիրուսային բազայի թարմացմանը, ապա մենք ունենք
հատուկ ծառայություն՝ հակավիրուսային բազայի առաքում փոստով՝ լազերային
սկավառակի վրա՝ այն համակարգիչների համար, որոնց արգելվում է միացնել
ինտերնետին կամ ձեռնարկության ցանցին՝ կարևորագույն ինֆորմացիա
պարունակելու պատճառով:
|
