1998 թվականից ի վեր Direct Control ընկերությունը հայաստանյան շուկայում զբաղվում է համակարգչային ծրագրերի մշակմամբ: Մենք աշխատում ենք հիմնականում բիզնես ծրագրերի ուղղությամբ, մշակելով  հաշվապահական, ֆինանսական և բանկային ծրագրեր:

Կիրառական ծրագրերից բացի, սակայն, մեր հաճախորդների մոտ միշտ անհրաժեշտություն է առաջանում ապահովել ձեռնարկության բազմակողմանի ինֆորմացիոն անվտանգությունը՝ հակավիրուսային պաշտպանություն, գաղտնագրում, ցանցային պաշտպանություն և այլն:

Դա պատճառ հանդիսացավ, որ մենք սկսեցինք համագործակցել անվտանգության համակարգեր մշակող աշխարհի լավագույն  ընկերությունների հետ՝ ներկայացնելով նրանց լիցենզիոն արտադրանքը Հայաստանում:

Ռուսական հանրահայտ Dr.Web հակավիրուսային ծրագիրը տարիներ շարունակ ապացուցել է իր հուսալիությունը և արագագործությունը: Հենց այդ պատճառով էլ, չնայած, որ համագործակցում ենք բազմաթիվ այլ հակավիրուսային ծրագրերի հետ նույնպես, մեր ընտրությունը կանգ առավ հատկապես այս ծրագրի վրա՝ որպես հակավիրուսային պաշտպանության հիմնական ծրագիր:

Մեր ընկերության կողմից առաջարկվող բազմաթիվ ապրանքների և ծառայությունների մասին լրացուցիչ տեղեկությունների համար այցելեք մեզ՝ www.direct.am: